डॉ. बाबासाहेब आंबेडकरांचे तीन सर्वात उंच पुतळे; एक असेल जगात तिसऱ्या क्रमांकाचा!

आपल्या भारतात डॉ. बाबासाहेब आंबेडकरांचे तीन सर्वात उंच पुतळे उभे राहत आहेत. हे पुतळे एवढे भव्यदिव्य आणि विशाल असतील की ते भारतातीलच नव्हे तर जगातील सर्वात उंचीच्या पुतळ्यांच्या यादीत समाविष्ट होतील. यास तिन्ही पुतळ्यांबद्दल आपण सविस्तरपणे या लेखात जाणून आहोत.

  यह लेख हिंदी में पढ़े  

हैदराबाद, विजयवाडा आणि मुंबईमध्ये असतील डॉ. आंबेडकरांचे तीन सर्वात उंच पुतळे

भारतरत्न डॉ. बाबासाहेब आंबेडकर यांचे जगभरातून लक्षावधी पुतळे आणि स्मारके उभारण्यात आलेली आहेत. भारतात सर्वात जास्त पुतळे हे डॉ. बाबासाहेब आंबेडकर यांचे आहेत. हे पुतळे वेगवेगळ्या स्वरूपाचे आहेत आणि त्यांना त्यांचे विशेष महत्त्व सुद्धा आहे.

तीन वेगवेगळ्या राज्यांमध्ये बाबासाहेबांच्या तीन सर्वात विशाल पुतळे तयार होत आहेत. यातील एक पुतळा तर जगातील पहिल्या तीन सर्वाधिक उंचीच्या पुतळ्यांमध्ये स्थान प्राप्त करेल.

• ‘या’ देशांमध्ये आहेत डॉ. बाबासाहेब आंबेडकरांचे पुतळे; बघा संपूर्ण यादी

डॉ. बाबासाहेब आंबेडकरांचे तीन भव्य पुतळे हे येत्या 1-2 वर्षांत पूर्णत्वास येईल. हे पुतळे एवढे भव्यदिव्य आणि विशाल असतील की भारतातीलच नव्हे तर जगातील सर्वात उंचीच्या पुतळ्यांमध्ये ते स्थान प्राप्त करतील. तसेच हे डॉ. बाबासाहेब आंबेडकरांचे आतापर्यंतचे सर्वात उंच पुतळे ठरतील.

महाराष्ट्र, आंध्र प्रदेश आणि तेलंगणा या तीन राज्यांमध्ये क्रमशः 450 फूट, 125 फूट आणि 125 फूट उंच असे डॉक्टर बाबासाहेब आंबेडकरांचे पुतळे उभारले जात आहेत. बाबासाहेबांचे हे पुतळे मराठी आणि तेलुगू लोकांच्या भूमीवर उभारले जात आहेत. आंध्रप्रदेश आणि तेलंगणा ही दोन्ही तेलुगू भाषिक राज्ये आहेत तर महाराष्ट्र हे मराठी भाषिक राज्य आहे.

महाराष्ट्राच्या राजधानीत मुंबईमध्ये डॉ. बाबासाहेब आंबेडकर यांचा भव्य पुतळा बनवावा ही मागणी सातत्याने अनेक वर्षांपासून केली जात होती. आंध्रप्रदेश आणि तेलंगणा या दोन्ही राज्यांमधील बाबासाहेबांच्या पुतळ्याची उंची एक सारखीच (125 फूट) आहे, याचे कारण हे की या दोन्हींची घोषणा डॉ‌. बाबासाहेब आंबेडकर यांच्या 125 व्या जयंतीच्या निमित्ताने करण्यात आली होती.

• बाबासाहेबांचा देशातला पहिला पुतळा कुठं आहे माहिती आहे का?
• दिल्लीतील डॉ. बाबासाहेब आंबेडकरांचे 10 सुंदर पुतळे

1. डॉ. बी.आर. आंबेडकर स्मारक, आंध्र प्रदेश

आंध्रप्रदेश मधील विजयवाडा शहराच्या मध्यभागी असलेल्या स्वराज्य मैदानामध्ये डॉ. बी. आर. आंबेडकर स्मृती वनम अर्थात डॉक्टर बी आर आंबेडकर स्मारक बनत आहे. या स्मारकामध्ये डॉ. बाबासाहेब आंबेडकरांचा 125 फूट (38 मीटर) उंचीचा भव्य पुतळा उभारण्यात येत आहे.

या स्मारकाचे लोकार्पण 132व्या आंबेडकर जयंती दिनी 14 एप्रिल 2023 रोजी करण्याचे योजिले आहे. भारतातील पहिल्या 10 सर्वात उंच पुतळ्यांमध्ये याचे स्थान असेल, तर जगातील सर्वाधिक उंचीच्या पहिल्या 85 पुतळ्यांमध्ये याचे स्थान असेल.

“125 फुटांची डॉ. आंबेडकर प्रतिमा ही दलितांच्या स्वाभिमानाचे प्रमाण आहे”, असे आंध्रप्रदेशचे शिक्षणमंत्री ऑडिमुलापू सुरेश म्हणाले. तर आंध्र प्रदेशचे मुख्यमंत्री वायएस जगन मोहन रेड्डी म्हणाले की, “विजयवाडा येथील स्वराज मैदानात उभारण्यात येणारा डॉ. बी.आर. आंबेडकर यांचा प्रस्तावित 125 फूट उंच पुतळा स्मारक उद्यानासह उच्च दर्जाचा असावा आणि त्या पुतळ्याला तेजस्वी ठिणगी असावी”.

9 जुलै 2020 रोजी, आंध्र प्रदेशचे मुख्यमंत्री वायएस जगन मोहन रेड्डी यांनी आंध्र प्रदेशातील विजयवाडा शहराच्या मध्यभागी असलेल्या स्वराज मैदानात डॉ. बाबासाहेब आंबेडकर यांच्या 125 फूट उंचीच्या पुतळ्याची पायाभरणी केली होती.

त्यावेळी जगन मोहन रेड्डी म्हणाले होते की, ‘डॉ. बाबासाहेब आंबेडकर हे देशाच्या सामाजिक, आर्थिक आणि राजकीय क्षेत्रातील एक महान शक्ती होते. डॉ. आंबेडकरांनी इंग्रजी शिक्षणाचे महत्त्व आपल्या इंग्रजी भाषेवर प्रभुत्व मिळवण्याच्या निर्धारातून सिद्ध केले होते.’

Dr. Babasaheb Ambedkar was a great force in the country’s social, economic and political spheres. Dr. Ambedkar had proved the importance of English education through his determination to master the language. – Chief Minister YS Jagan Mohan Reddy

 

आंध्रप्रदेशचे माजी मुख्यमंत्री एन. चंद्राबाबू नायडू यांनी 2015 मध्ये भारतीय राज्यघटनेच्या शिल्पकाराच्या 125व्या जयंतीनिमित्त ₹ 200 कोटी रुपयांच्या डॉ. आंबेडकर प्रकल्पाची घोषणा केली होती. आंध्र प्रदेशाची नवीन राजधानी अमरावती मधील इनावोलू गावात हा प्रकल्प राबवण्यात येणार होता.

या प्रकल्पात डॉ. बाबासाहेब आंबेडकरांचे भव्य स्मारक आणि त्यात 125 फूट उंच पुतळा उभारण्याची योजना होती. परंतु सत्तेत असताना चार वर्षांत ते हे काम पुढे नेऊ शकले नाहीत. पुढे जगन मोहन रेड्डी सरकारने नवीन राजधानी अमरावतीमधील इनावोलू गावात पूर्वीच्या तेलुगू देसमच्या प्रशासनाने प्रस्तावित केलेल्या डॉ. आंबेडकर स्मृती वनम या तत्सम प्रकल्पाचा त्याग केला, आणि विजयवाडा शहरामध्ये बाबासाहेबांचे स्मारक व 125 फूट उंच पुतळा बनवण्याचा निर्णय घेतला.

डॉ. बाबासाहेब आंबेडकर यांच्या 125 व्या जयंतीच्या पार्श्वभूमीवर ह्या पुतळ्याची निर्मिती करण्याचे ठरविण्यात आले, त्यामुळे या पुतळ्याची उंची सुद्धा 125 फूट इतकी ठेवण्यात आली आहे.

आता, विजयवाडा शहरातील मध्यवर्ती स्वराज मैदानावर डॉ. बाबासाहेब आंबेडकरांचा पुतळा उभारण्यात येत आहे. मुख्यमंत्री जगन मोहन रेड्डी यांनी ‘पीडब्ल्यूडी मैदान’ म्हणून प्रसिद्ध असलेल्या मैदानाचे ‘डॉ. बी.आर. आंबेडकर स्वराज्य मैदान’ असे नामकरण केले.

राज्य सरकार नुसार, स्वराज मैदानावरील डॉ. बी.आर. आंबेडकर स्मृती वनमचे काम वेगाने सुरू आहे आणि 14 एप्रिल 2023 रोजी याचे उद्घाटन केले जाईल.

बाबासाहेबांच्या स्मारकाची आणि पुतळ्याची वैशिष्ट्ये :

• हे स्मारक 20 एकर मध्ये असेल. सुरुवातीला स्मारकासाठी केवळ 7 एकर मैदान उपलब्ध होते, मात्र उर्वरित बांधकाम हटवून स्मारकासाठी एकूण वीस एकर जागा उपलब्ध करावी लागली.
• स्मारकामध्ये डॉ. बाबासाहेब आंबेडकरांचा 125 फुट उंच पुतळा असेल, जो अतिशय भव्य आणि आकर्षक दिसेल.
• हा पुतळा कांस्य (ब्राँझ) धातूचा असेल.
• हे स्मारक विजयवाडा मधील स्वराज्य मैदान (पीडब्ल्यूडी मैदान) मध्ये निर्माण होत आहे. पीडब्ल्यूडी मैदानाचे ‘डॉ. बी.आर. आंबेडकर स्वराज्य मैदान’ असे नामकरण केले गेले आहे.
• हा भव्य पुतळा जेथे उभा राहत आहे तेथे सध्या साडे बारा फुटांचा बाबासाहेबांचा एक आदर्श पुतळा उभारण्यात आला आहे, जो त्या भव्य पुतळ्याची प्रतिकृती आहे.
• हा एक प्रतिष्ठित प्रकल्प असेल आणि पर्यटकांसाठी एक प्रमुख आकर्षण असेल.
• 20 एकर जागेवर एक सुंदर उद्यान विकसित केले जाईल, ज्यात 125 फुटांचा पुतळा आकर्षणाचे प्रमुख केंद्र असेल.
• या प्रकल्पामध्ये पुतळा, उद्यान, संशोधन केंद्र व इतर बांधकामे असतील.
• 2,000 लोकांची क्षमता असलेले एक सभागृह आणि 500 लोकांची क्षमता असलेले ओपन थिएटर तसेच ध्यानमंदिर विकसित केले जाईल.
• चेन्नईस्थित आयआयआयटी कंपनीने पुतळ्याचे डिझाइन तयार केले आहे.
• या प्रकल्पासाठी एकूण 268 कोटी रुपये खर्च येणार आहे, आणि फेब्रुवारी 2022 पर्यंत 100 कोटी रुपये खर्च करण्यात आला आहे.
• मंत्री, आमदार आणि जनतेच्या सूचना व मते विचारात घेऊन या पुतळ्याची संरचना करण्यात आली आहे.
• 14 एप्रिल 2023 रोजी डॉ. बाबासाहेब आंबेडकर यांच्या 132व्या जयंतीदिनी या कांस्य पुतळ्याचे उद्घाटन करण्याचे राज्य सरकारचे धोरण आहे.
• लायब्ररी, म्युझियम आणि गॅलरी उभारण्याबरोबरच या स्मारक-उद्यानात डॉ. आंबेडकरांचा जीवनपट प्रदर्शित केल्या जाईल. बाबासाहेबांचे सुविचार पार्कमधील रुंद रस्ते आणि आकर्षक पदपथांसह प्रदर्शित केले जाईल.
• भारतातील विविध ठिकाणच्या डॉ. बाबासाहेब आंबेडकरांच्या स्मारकांचे चित्रणे येथे असतील, ज्यात दीक्षाभूमी (नागपूर), चैत्यभूमी (मुंबई), आंबेडकर स्मारक (लखनपूर) आणि प्रेरणा स्थळ (नोएडा) दाखवले जातील.

 

2. डॉ. बाबासाहेब आंबेडकरांचा पुतळा, हैदराबाद

तेलंगणाची राजधानी हैदराबाद येथे सुद्धा डॉ. बाबासाहेब आंबेडकरांचे स्मारक बनत आहे आणि त्यात सुद्धा 125 फूट उंच पुतळा असणार आहे. 2017 मध्ये तेलंगणा सरकारने डॉ. बाबासाहेब आंबेडकर यांचा 125 फूट उंच पुतळा उभारण्याचा निर्णय घेतला होता.

हैदराबाद मधील एनटीआर गार्डन येथील दहा एकर जागेवर हा भव्य पुतळा बसवला जाणार आहे. हे स्मारक एक उत्कृष्ट पर्यटन स्थळ म्हणून विकसित केले जाईल.

तेलंगणा सरकारने प्रस्तावित केलेल्या हैदराबादमध्ये डॉ. बाबासाहेब आंबेडकरांचा 125 फूट उंच पुतळा बसवण्याचे काम फेब्रुवारी 2023 मध्ये पूर्ण होण्याची अपेक्षा आहे. बाबासाहेबांच्या जयंती दिनी (14 एप्रिल 2023) या स्मारकाचे उद्घाटन करण्याचा राज्य सरकारचा मानस आहे.

हैदराबाद शहरातील हुसेन सागर तलावाजवळ 11.4 एकर जागेवर भारतीय राज्यघटनेच्या शिल्पकाराचा कांस्य पुतळा बसवण्यात येणार आहे. या 11.4 एकरच्या उद्यानात पुतळ्यासह एक संग्रहालय, ग्रंथालय, कॉन्फरन्स रूम आणि इतर सुविधा असतील.

125 फूट उंच पुतळा हा 45.5 फूट रुंद असेल. तसेच 50 फुटांच्या उंचीच्या पायथ्यावर बसवण्यात येणार आहे.

हुसेन सागर तलावात आधीच 18 मीटर उंच (किंवा 58 फूट) जगातील सर्वात उंच अखंड बुद्ध मूर्ती आहे. बौद्ध अनुयायांसाठी सम्यक संबुद्ध आणि बोधिसत्व डॉ. बाबासाहेब आंबेडकर हे दोघेही या एकाच ठिकाणी मिळतील.

डॉ. बाबासाहेब आंबेडकर यांच्या पुतळ्यासाठी 791 टन स्टेनलेस स्टील आणि 9 टन पीतळ वापरण्यात येणार आहे, तसेच संपूर्ण पुतळ्यासाठी 146.5 कोटी रुपये खर्च येणार आहे.

NTR गार्डन येथील 125 फूट पुतळ्याव्यतिरिक्त, तेलंगणा सरकारने बोरबंदा येथील दलित अभ्यास केंद्रात 27 फूट उंचीचा डॉ. आंबेडकरांचा पुतळा आधीच स्थापित केला आहे.

 

 

3. डॉ. बाबासाहेब आंबेडकर स्मारक, मुंबई

डॉ. बाबासाहेब आंबेडकर स्मारक किंवा स्टॅचू ऑफ इक्वालिटी हे मुंबईतील प्रस्तावित आंतरराष्ट्रीय दर्जाचे स्मारक आहे. येथे 137.3 मीटर (450 फुट) उंच बाबासाहेब आंबेडकरांचा पुतळा उभारला जाईल. हा पुतळा 45 मजली इमारती इतका उंच असेल. डॉ. बाबासाहेब आंबेडकर यांचा हा पुतळा सर्वात मोठा असेल. (biggest ambedkar statue in india) मुंबई आणि हैदराबाद मधील डॉ. बाबासाहेब आंबेडकर यांच्या पुतळ्यांचा पाया संसद भवनाची प्रतिकृती आहे. तसेच हे दोन्ही पुतळे जलाशयाच्या काठावर वसलेले आहेत.

भारताचे प्रधानमंत्री नरेंद्र मोदी यांनी 11 ऑक्टोबर 2015 रोजी स्मारकाचे भूमिपूजन केले होते. बाबासाहेब आंबेडकर हे समतेचे पुरस्कर्ते असल्यामुळे व समतेसाठी त्यांनी केलेल्या संघर्षासाठी या स्मारकाला “स्टॅच्यू ऑफ इक्वालिटी” अर्थात “समतेचा पुतळा” म्हटले आहे. डॉ. आंबेडकरांचे समाधीस्थळ चैत्यभूमी येथून जवळच आहे. या स्मारकाच्या जमिनीचे क्षेत्रफळ साडे 12 एकर असून स्मारकासाठीचा खर्च सुमारे 783 कोटी रूपये इतका येण्याचा अंदाज आहे.

डॉ. बाबासाहेब आंबेडकर यांचा पुतळा हे या स्मारकाचे मुख्य आकर्षण असेल. या पुतळ्याची जमिनीपासूनची उंची 137.3 मीटर (450 फुट) एवढी असेल. त्यात 30 मीटरचा (100 फुट) चौथरा आणि त्यावर 106 मीटरचा म्हणजेच 350 फुटांचा पुतळा असेल. डॉ. बाबासाहेब आंबेडकर यांचा पुतळा हा कांस्य धातूचा असेल. या पुतळ्याचा पाया किंवा आधार भवन हे भारतीय संसदेची प्रतिकृती असेल.

दिल्लीच्या गाझियाबादमध्ये ह्या पुतळ्याचे निर्माण कार्य सुरू आहे. पुतळ्याला 150 – 175 टन ब्राँझ धातू लागणार आहे.

बाबासाहेब आंबेडकरांचा हा पुतळा समुद्राचे खारे पाणी आणि समुद्री किनारी वाहणाऱ्या अतिवेगवान वारा देखील सहन करण्यास सक्षम असेल.

ऑगस्ट 2022 मध्ये, स्मारकाचे 70% काम पूर्ण झाले आहे.

---

जगातील तिसरा सर्वात उंच पुतळा

जर पायथ्यासह पुतळ्यांची एकूण उंची विचारात घेतली तर, मुंबईतील डॉ. बाबासाहेब आंबेडकरांचा पुतळा हा जगातील सर्वाधिक उंचीचा तिसऱ्या क्रमांकाचा पुतळा असेल. परंतु केवळ पुतळ्याची उंची विचारात घेतली तर बाबासाहेबांचा पुतळा हा जगातला चौथा सर्वात उंच पुतळा ठरेल.

जगातील टॉप 5 सर्वात उंच पुतळे खालीलप्रमाणे : (पायथ्यासह एकूण उंची)

इंदू मिल येथील स्मारकात डॉ. बाबासाहेब आंबेडकर यांचा 25 फुट उंचीचा पुतळा उभारण्यात आला आहे, जो 450 फुटांच्या पुतळ्याची प्रतिकृती आहे. या स्मारकात बौद्ध वास्तुरचना शैलीतले घुमट आणि स्तूप, संग्रहालय, तसेच प्रदर्शने भरवण्यासाठी दालन असेल.

स्मारकाचा आराखडा वास्तुविशारद शशी प्रभू यांनी तयार केला आहे. स्मारक संरचनेत मुख्यप्रवेशद्वार एसकेएस मार्गाच्या सोबत कँडेल रोडच्या मध्यबिंदू समांतर होत आहे तसेच आंबेडकरानुयायांच्या सोयीसाठी हे स्मारक चैत्यभूमीला जोडले जात आहे.

स्मारकाचे मुख्य आकर्षण तलावाच्या चारही बाजूने 25,000 चौरस फुट स्तूप असेल. दगडाचे 24 आरे असलेले एक विशाल घुमट ज्याचा आकार अशोक चक्रासारखा असेल तसेच 39,622 चौरस फुट जागेत डॉ. बाबासाहेब आंबेडकर यांच्या जीवनावरील संग्रहालय आणि ग्रंथालय तयार केले जाणार आहे.

स्मारक परिसरात 500 वाहनाची पार्किंगची सुविधा असेल. स्मारक निर्मितीची जबाबदारी “मुबई महानगर प्रदेश विकास प्राधिकरण” (एमएमआरडीए) कडे सोपवण्यात आली आहे.

पुतळ्याभोवती सहा मीटर लांबीचा चक्राकार मार्ग असेल. तसेच चौथऱ्यावर पोहोचण्यासाठी लिफ्टची सोय असेल. सांस्कृतिक कार्यक्रम तसेच सार्वजनिक सभा घेण्यासाठी एक हजार लोकांची आसनक्षमता असलेले अत्याधुनिक प्रेक्षागृह असेल. विपश्यनेसाठी येणाऱ्या लोकांसाठी ध्यानधारणा केंद्र असेल.

डॉ. बाबासाहेब आंबेडकर संशोधन केंद्रात एक ग्रंथालय असेल. त्यात बाबासाहेबांबद्दलची माहिती पुस्तके, त्यांचे साहित्य, जीवनचरित्र, माहितीपट, लेख, तसेच त्यांनी केलेल्या सामाजिक, राजकीय आणि सांस्कृतिक योगदानावर संशोधन करण्याची सोय असेल. या केंद्रात व्याख्यान वर्ग आणि कार्यशाळा घेण्यासाठी 400 लोकांची क्षमता असलेले सभागृह असेल.

इंदू मिलमधील डॉ. बाबासाहेब आंबेडकर स्मारकास अनधिकृतपणे ‘स्टॅच्यू ऑफ इक्वालिटी’ अर्थात ‘समतेचा पुतळा’ म्हटले जाते. बाबासाहेबांच्या पुतळ्यास ‘स्टॅच्यू ऑफ इक्वालिटी’ (Statue of Equality) हे नाव बाबासाहेबांचे पणतू आनंदराज आंबेडकर यांनी दिले आहे, राज्य शासनाने तसा उल्लेख कोठेही केलेला नाही. महाराष्ट्र शासनाने या स्मारकाचा अधिकृतपणे उल्लेख ‘डॉ. बाबासाहेब आंबेडकरांचे भव्य स्मारक’ (Dr. Babasaheb Ambedkar grand memorial) असा केलेला आहे. महाराष्ट्र शासनाने ‘स्टॅच्यू ऑफ इक्वालिटी’ या नावास सुद्धा अधिकृतपणे मान्यता द्यायला हवी.

ही बाब सुद्धा लक्षात घ्यायला हवी की, हैदराबाद मधील रामानुजन यांच्या पुतळ्याचे नाव सुद्धा स्टॅच्यू ऑफ इक्वालिटी ठेवण्यात आलेले आहे.

 

स्टॅच्यू ऑफ नॉलेज

13 एप्रिल 2022 ला लातूरमध्ये डॉ. बाबासाहेब आंबेडकर यांच्या ‘स्टॅच्यू ऑफ नॉलेज’ 72 फूट उंच पुतळ्याचे अनावरण करण्यात आले.

 

भोपाळ

14 एप्रिल 2022 रोजी मध्य प्रदेशचे माजी मुख्यमंत्री आणि प्रदेश काँग्रेस अध्यक्ष कमलनाथ यांनी घोषणा केली आहे की राजधानी भोपाळमध्ये डॉ. बाबासाहेब आंबेडकर यांचा सर्वात मोठा पुतळा बसवला जाईल. त्यांनी पुतळ्याची उंची सांगितली नसली तरी ती 100 फुटांपेक्षा जास्त उंच असण्याची शक्यता आहे.

 

टॉप 10 : भारतातील सर्वात उंच पुतळे

भारतातील पहिल्या दहा सर्वाधिक उंचीचा पुतळ्यांमध्ये डॉ. बाबासाहेब आंबेडकरांच्या तीनही पुतळ्यांचा समावेश होईल. 125 फूट (38 मीटर) उंच डॉ. बाबासाहेब आंबेडकरांचा पुतळा हा भारतातील 9व्या क्रमांकाचा सर्वात उंच पुतळा ठरेल.

 

पुतळ्यांबद्दल विचारले जाणारे काही महत्त्वपूर्ण प्रश्न आणि त्यांची उत्तरे :

प्रश्न 1 – जगातील सर्वात उंच मूर्ती कोणत्या देशात आहे?

उत्तर – जगातील सर्वात उंच मूर्ती भारत देशात आहे.

 

प्रश्न 2 – जगातील सर्वात उंच पुतळा कोणता? (Tallest statue in the world)

उत्तर – सरदार पटेल यांचा स्टॅच्यू ऑफ युनिटी (597 फूट/ 182 मीटर)

 

प्रश्न 3 – जगातील सर्वात मोठा पुतळा कोणता? (Biggest statue in the world)

उत्तर – जगातील सर्वात मोठा पुतळा चीनमधील भगवान बुद्धांचा आहे. पूर्व चीनमधील जिआंग्शी प्रांतातील यियांग काउंटीमध्ये जगातील सर्वात मोठी मूर्ती  – झोपलेल्या स्थितीतील विशाल बुद्ध मूर्ती आहे, जी तब्बल 416 मीटर (1,365 फूट) लांब आणि 68 मीटर उंच आहे. (63वे तथ्य बघावे)

 

प्रश्न 4 – जगात सर्वात जास्त पुतळे कोणाचे आहेत?

उत्तर – जगात सर्वात जास्त पुतळे गौतम बुद्धांचे आहेत.

 

प्रश्न 5 – भारतात सर्वात जास्त पुतळे कोणाचे आहेत?

उत्तर – भारतात सर्वात जास्त पुतळे डॉ. बाबासाहेब आंबेडकरांचे आहेत.

 

प्रश्न 6 – भारतातील सर्वात उंच पुतळा कोणता?

उत्तर – भारतातील सर्वात उंच पुतळा सरदार पटेलांचा ‘स्टॅच्यू ऑफ युनिटी’ आहे. त्याची उंची 597 फूट (182 मीटर) आहे.

 

 

सारांश

मित्रांनो, आजच्या पोस्टमध्ये आपण ‘डॉ. बाबासाहेब आंबेडकरांचे तीन सर्वात विशाल पुतळे’ (The 3 Tallest Statues of Dr. B.R. Ambedkar) यांची माहिती बघितली. डॉ. बाबासाहेब आंबेडकरांच्या पुतळ्यांची (Statues of Dr. Ambedkar) ही माहिती तुम्हाला कशी वाटली हे कमेंट मध्ये नक्की सांगा. जर तुम्हाला ही माहिती आवडली असेल तर तुमच्या मित्रांना पण नक्की शेअर करा, धन्यवाद.

 

हे ही वाचलंत का?

• डॉ. बाबासाहेब आंबेडकर विषयक लेख
• डॉ. बाबासाहेब आंबेडकर यांचे 130 सुविचार
• डॉ. बाबासाहेब आंबेडकर माझे प्रेरणास्थान – नाना पाटेकर
• Wikipedia पर भी Popular है डॉ. बाबासाहब आंबेडकर, अप्रैल में रहते हैं Top पर
• डॉ. बाबासाहेब आंबेडकरांना ‘संस्कृत’ अवगत होती का?
• डॉ. बाबासाहेब आंबेडकरांवर बनवलेले 15+ चित्रपट

 

• धम्म भारत वरील मराठी लेख
• प्रसिद्ध बौद्ध धर्मीय सेलिब्रिटी (एक्टर अणि सिंगर)
• बौद्ध धर्माशी संबंधित 70+ रंजक तथ्ये आणि महत्त्वपूर्ण माहिती
• ‘हे’ आहेत 20व्या शतकातील 5 सर्वश्रेष्ठ बौद्ध; जाणून घ्या बाबासाहेबांची ‘रँक’
• भारतातील बौद्ध सेलेब्रिटी (अभिनेते आणि गायक) –  Buddhist Celebrities in India
• जगात किती बौद्ध देश आहेत – त्यांची नावे आणि यादी
• जगातील ‘या’ 10 देशांत आहे सर्वाधिक बौद्ध लोकसंख्या; जाणून घ्या भारताचा क्रमांक
• 1 कोटी की 10 कोटी? भारतात बौद्ध लोकसंख्या नेमकी आहे तरी किती?
• बौद्ध धर्म विषयक विविध लेख
• मराठी विकिपीडियावरील 20 सर्वात लोकप्रिय व्यक्ती (2016-2020)

---

मित्रांनो, धम्म भारतच्या नवीन लेखांचे notifications मिळवण्यासाठी खालील बाजूस उजवीकडे असणाऱ्या लाल रंगतील bell icon ला क्लिक करा.

(धम्म भारतचे सर्व अपडेट्स मिळवण्यासाठी तुम्ही आम्हाला Facebook वर नक्की फॉलो करा.)