भारतातील टॉप 20 सर्वात लोकप्रिय व्यक्ती (2017 ची मराठी विकिपीडिया Ranking)

Ranking the most viewed people on Marathi Wikipedia
Famous Personalities of India

1 जानेवारी 2017 ते 31 डिसेंबर 2017 या कालावधी दरम्यान मराठी विकिपीडियावर सर्वाधिक वाचकसंख्या (views) असलेल्या 20 चरित्र लेखांबद्दल आपण या लेखात जाणून घेणार आहोत. भारतातील विशेषतः महाराष्ट्रातील प्रसिद्ध आणि थोर व्यक्तींची माहिती येथे देण्यात आली आहे. सर्व कालखंड आणि वेगवेगळ्या क्षेत्राशी संबंधित भारतीय इतिहासातील श्रेष्ठ व्यक्तींना महाराष्ट्रात अर्थात मराठी विकिपीडियावर वाचले जाते. यापूर्वी आपण 2018, 2019 आणि 2020 मधील लोकप्रिय व्यक्तींची सूची प्रकाशित केल्या आहेत. – Famous Personalities of India

खरं तर विकिपीडिया 300 पेक्षा जास्त वेगवेगळ्या भाषांमध्ये उपलब्ध आहे, त्यापैकीच एक मराठी विकिपीडिया आहे. मराठी विकिपीडियावर महाराष्ट्रातीलच प्रसिद्ध व्यक्तींबद्दल वाचले जात नाही तर महाराष्ट्रेतर भारतातील प्रसिद्ध व्यक्तींबद्दलही वाचले जाते. महाराष्ट्रात अनेक थोर व्यक्ती होऊन गेलेल्या आहेत. त्यामध्ये कोणकोणत्या व्यक्ती आजही लोकप्रिय आहेत, याविषयीची तुलनात्मक आकडेवारी येथे तुम्हाला बघायला मिळेल. 2017 मध्ये महाराष्ट्रात सर्वाधिक वाचल्या गेलेल्या 20 लोकप्रिय व्यक्ती – पहिला व दुसरा क्रमांक बघून आपण अचंबित व्हाल!!!

Most searched Personalities in Maharashtra

Famous Personalities of India

2017 मध्ये महाराष्ट्रात सर्वाधिक वाचल्या गेलेल्या 20 व्यक्तींपैकी 13 व्यक्ती ह्या महाराष्ट्रातील आहेत, तर 7 व्यक्ती (#3, #4, #10, #14, #15, #16 व #18) ह्या इतर भारतीय राज्यांतील आहेत.

लेखाला मिळालेल्या वाचकसंख्येनुसार (views नुसार) त्याची rank ठरली आहे. प्रत्येक फोटोखाली हिरव्या रंगात कोणत्या चरित्रलेखाला वर्षभरात किती वेळा पहिले गेले (म्हणजे किती views मिळाले) ते दिलेले आहे.

20 Most Popular Persons on Marathi Wikipedia in 2017

Famous Personalities of India  – 2017 मधील मराठी विकिपीडियावरील 20 लोकप्रिय व्यक्ती


20. एकनाथ

Famous Personalities of India
navbharattimes

72,993 वेळा वाचले गेले

संत एकनाथ (1533 – 1599) हे एक भारतीय हिंदू संत, तत्ववेत्ता आणि कवी होते. ते कृष्णाचे भक्त होते आणि वारकरी परंपरेतील प्रमुख व्यक्तिमत्त्व आहेत. प्रख्यात मराठी संत ज्ञानेश्वर आणि नामदेव यांचे आध्यात्मिक उत्तराधिकारी म्हणून एकनाथांना अनेकदा पाहिले जाते. संत एकनाथ हे सुद्धा महाराष्ट्रातील खूप प्रसिद्ध असे संत आहेत. मराठी विकिपीडियावर त्यांचा चरित्रलेख मोठ्या प्रमाणावर वाचला जातो. यामुळेच ते 2016 ते 2020 या पाच वर्षांपैकी तीन वर्षांमधील टॉप-20 लोकप्रिय व्यक्तींमध्ये समाविष्ट झालेले आहेत. गतवर्ष 2016 मध्ये त्यांचा समावेश टॉप-20 मध्ये नव्हता, तथापि या वर्षाच्या तुलनेत पुढील वर्ष 2018 मध्ये त्यांची रँक 3ने वृद्धिंगत होत 17व्या स्थानावर आली होती.

Who are the famous personalities of Maharashtra?

थोर व्यक्तींची माहिती


19. राणी लक्ष्मीबाई

Famous Personalities of India
74,665 वेळा वाचले गेले

राणी लक्ष्मीबाई (1835 – 1858) ही मराठा शासित झाशी राज्याची राणी होती. वयाच्या अवघ्या 29व्या वर्षी त्यांनी ब्रिटीश साम्राज्याच्या सैन्याशी युद्ध केले आणि रणांगणात शहीद झाल्या. झाशीची राणी लक्ष्मीबाई ही एक मराठी व्यक्ती होती. 2016 ते 2020 या पाच वर्षांपैकी केवळ दोनदाच त्यांचा चरित्रलेख टॉप 20 सर्वाधिक लोकप्रिय व्यक्तींमध्ये समाविष्ट झालेला आहे. मात्र हिंदी विकिपीडियावरील त्यांचा लेख दर वर्षी तेथील टॉप 20 चरित्रलेखांमध्ये समाविष्ट होत असतो. याचा अर्थ मराठी भाषिकांपेक्षा हिंदी भाषिकांमध्ये लक्ष्मीबाई जास्त लोकप्रिय आहे. मागील वर्षी 2016 मध्ये त्यांच्या लेखाचे 15वे स्थान होते, तर 2018 मध्ये त्या टॉप-20 सर्वाधिक लोकप्रिय व्यक्तींमध्ये समाविष्ट झाल्या नाही आहेत.

great leaders of maharashtra

Famous Personalities of India


18. इंदिरा गांधी

Famous Personalities of India
75,265 वेळा वाचले गेले

इंदिरा प्रियदर्शिनी गांधी (1917 – 1984) भारतीय राजकारणी आणि भारतीय राष्ट्रीय कॉंग्रेसची मध्यवर्ती व्यक्ती होत्या. या भारताच्या पंतप्रधान होत्या. त्या आतापर्यंतच्या भारतातील पहिल्या महिला पंतप्रधान होत्या. आपल्या वडिलांनंतर सर्वाधिक काळ काम करणारे भारतीय पंतप्रधान ठरल्या आहेत. देशाला अणुशक्ती संपन्न बनविण्याचा त्यांचा निर्णय होता. इंदिरा गांधी हे भारताच्या राजकारणातील एक सर्वात प्रभावशाली नाव असले तरी त्या केवळ या एकाच वर्षीच्या टॉप 20 लोकप्रिय व्यक्तींमध्ये समाविष्ट झालेल्या आहेत.

थोर मराठी व्यक्ती

Famous Personalities of India


17. नामदेव

top 20 most famous people in maharashtra
75,495 वेळा वाचले गेले

संत नामदेव (1270 – 1350) हे महाराष्ट्रातील एक वारकरी संप्रदायातील संत आणि कवी होते. त्यांनी व्रज भाषेतही काव्ये रचली. कीर्तनाच्या माध्यमातून भागवत धर्म पंजाबपर्यंत नेणारे ते आद्यप्रचारक होते. संत नामदेव हे सुद्धा एक लोकप्रिय मराठी संत आहेत. तसेच ते यावर्षीचे “सर्वात लोकप्रिय जुनी व्यक्ती” ठरले आहेत (त्यांच्या आधीच्या कालखंडातील एकही व्यक्ती या सूचीत समाविष्ट नाही). त्यांना दरवर्षी खूप लोक मराठी विकिपीडियावर वाचतात. ते 2016 ते 2020 या पाच वर्षांपैकी तीन वर्षांतील टॉप-20 लोकप्रिय व्यक्तींमध्ये समाविष्ट झालेले आहेत. पुढील वर्ष 2018 मध्ये त्याची रँक 17 वरून 19व्या स्थानावर गेली आहे, तर मागील वर्ष 2016 मध्ये ते टॉप-20 मध्ये समाविष्ट नव्हते.

थोर मराठी व्यक्ती

16. भगतसिंग

Famous Personalities of India
भगतसिंग (Photo Credits: hindi.newsclick)

85,404 वेळा वाचले गेले

भगतसिंग (1907 – 1931) एक भारतीय क्रांतिकारक होते. हिंदुस्थानातील ब्रिटिश साम्राज्याविरुद्धच्या लढ्यात त्यांनी केलेल्या दोन हिंसात्मक कार्यांमुळे वयाच्या २३व्या वर्षी त्यांना फाशीची शिक्षा देण्यात आली. मराठी भाषक लोक त्यांच्याबद्दल सातत्याने अधिकाधिक माहिती वाचत असतात. यामुळे ते 2016 ते 2020 या पाच वर्षांपैकी 4 वर्षांमधील टॉप-20 लोकप्रिय व्यक्तींमध्ये समाविष्ट झालेले आहेत. वर्ष 2016 मध्ये त्यांची रँक 14 होती तर 2018 मध्ये 18वी होती.

भारतातील थोर व्यक्ती

Famous Personalities of India


15. स्वामी विवेकानंद

Famous Personalities of India
स्वामी विवेकानंद (Photo Credits: Get Bengal)

94,197 वेळा वाचले गेले

स्वामी विवेकानंद (1863 – 1902) हे भारतीय विचारवंत व हिंदू संन्यासी होते. तरुणपणी ते रामकृष्ण परमहंस यांचे शिष्य झाले आणि रामकृष्णांचा संदेश जनमानसांत पोहचवण्यासाठी त्यांनी रामकृष्ण मिशन सुरू केले. भारत सरकारतर्फे विवेकानंदांचा जन्मदिवस हा युवक दिन म्हणून साजरा केला जातो. स्वामी विवेकानंद हे केवळ भारतातच प्रसिद्ध नाही आहेत, तर ते महाराष्ट्रातील सुद्धा प्रसिद्ध आहे. ते एक बंगाली व्यक्ती होते, तथापि मराठी लोक मराठी विकिपीडियावर त्यांच्याबद्दल सातत्याने अधिकाधिक माहिती वाचत असतात. त्यामुळेच स्वामींचा लेख प्रत्येक वर्षीच्या (2016 ते 2020) मध्ये टॉप 20 लोकप्रिय चरित्रलेखांमध्ये समाविष्ट झालेला आहे. मागील वर्ष 2016 मध्ये त्यांची रँक 18वी होती तर पुढील वर्ष 2018 मध्ये तर त्यांच्या चरित्रलेख 13व्या स्थानावर आला आहे.

थोर नेत्यांची माहिती

famous political leaders of maharashtra


14. जवाहरलाल नेहरू

Famous Personalities of India
Getty Images

1,00,194 वेळा वाचले गेले

जवाहरलाल मोतीलाल नेहरू (1889 – 1964) हे भारताचे पहिले पंतप्रधान (1974 – 1964) व भारतीय स्वातंत्र्य चळवळीत अग्रणी असलेल्या राष्ट्रीय कॉंग्रेस पक्षाचे प्रमुख नेते होते. ते पंडित नेहरूचाचा नेहरू या नावांनीही ओळखले जातात. नेहरू हे भारताच्या राजकारणातील एक सर्वात प्रभावशाली व लोकप्रिय नाव आहे, आणि मराठी वाचक त्यांची माहिती सुद्धा मोठ्या प्रमाणावर वाचत असतो. ते 2016 ते 2020 या पाच वर्षांपैकी केवळ तीन वर्षांतील टॉप-20 लोकप्रिय व्यक्तींमध्ये समाविष्ट झालेले आहेत. पुढील वर्ष 2018 आणि मागील वर्ष 2016 या दोन्हींमध्ये ते टॉप-20 मध्ये समाविष्ट नव्हते.

थोर व्यक्तींची माहिती

Famous Personalities of India


13. अण्णा भाऊ साठे

top 20 most famous people in maharashtra
bhaskarhindi.com

1,20,251 वेळा वाचले गेले

अण्णा भाऊ साठे (1920 — 1969) हे एक मराठी समाजसुधारक, लोककवी आणि लेखक होते. त्यांचे लेखन सामाजिक आणि राजकीयदृष्ट्या कृतिशीलतेवर आधारलेले होते. साठे हे मार्क्सवादी-आंबेडकरवादी प्रवृत्तीचे होते. त्यांना साहित्यरत्न म्हटले जाते. साठे हे महाराष्ट्रातील एक लोकप्रिय व्यक्ती आहे. मराठी विकिपीडियावर दरवर्षी मोठ्या संख्येने त्यांना  वाचले जाते. ते 2016, 2017, 2018, 2019 व 2020 या सर्व वर्षांमधील टॉप-20 लोकप्रिय व्यक्तींमध्ये समाविष्ट झालेले आहेत. 2016 या मागील वर्षातील त्यांची रँक 16वी होती तर पुढील वर्ष 2018 मध्ये त्यांची रँक 12व्या स्थानावर आली आहे.

थोर मराठी साहित्यिक


12. ज्ञानेश्वर

top 20 most famous people in maharashtra
1,27,357 वेळा वाचले गेले

संत ज्ञानेश्वर (1275 – 1296) हे मराठी संत, कवी, भागवत संप्रदायाचे प्रवर्तक, योगी व तत्त्वज्ञ होते. भावार्थदीपिका (ज्ञानेश्वरी), अमृतानुभव, चांगदेवपासष्टी व हरिपाठाचे अभंग ह्या त्यांच्या काव्यरचना आहेत. अध्यात्म आणि तत्त्वज्ञानाविषयक विचार मराठीतूनही व्यक्त करता येतात असा विश्वास संत ज्ञानेश्वरांनी आपल्या ग्रंथातून निर्माण केला. संत ज्ञानेश्वर हे सुद्धा एक लोकप्रिय मराठी संत आहेत. त्यांना दरवर्षी खूप लोक मराठी विकिपीडियावर वाचतात. यामुळे ते 2016 ते 2020 या सर्व वर्षांतील टॉप-20 लोकप्रिय व्यक्तींमध्ये समाविष्ट झालेले आहेत. मागील वर्ष 2016 मध्ये त्याची रँक 7व्या स्थानावर होती, तर पुढील वर्ष 2018 मध्ये ती 11व्या स्थानावर गेली होती.

थोर व्यक्तींची नावे


11. सचिन तेंडुलकर

Famous Personalities of India
File image of Sachin Tendulkar©BCCI

1,56,905 वेळा वाचले गेले

सचिन तेंडुलकर (जन्म: 1973) हा क्रिकेटविश्वात डॉन ब्रॅडमन याच्यानंतर जागतिक स्तरावर सर्वोत्तम मानला जाणारा माजी भारतीय क्रिकेटपटू आहे. इ.स. 2003 मधील क्रिकेट विश्वचषकात तो मालिकेतील सर्वोत्तम खेळाडू म्हणून निवडला गेला होता. आंतरराष्ट्रीय सामन्यांमध्ये शतकांचे शतक करणारा तो एकमेव क्रिकेटपटू आहे. 2009 मध्ये त्याने कारकीर्दीतील 30,000 आंतरराष्ट्रीय धावांचा टप्पा पार केला. मास्टर-ब्लास्टर सचिन तेंडुलकर हा एक मराठी व्यक्ती आहे. त्याच्याबद्दल मराठी विकिपीडियावर मोठ्या संख्येने माहिती वाचली जाते. मराठी विकीवरील दरवर्षीच्या (2016 ते 2020) टॉप-20 लोकप्रिय व्यक्तींमध्ये त्याचा समावेश झालेला आहे. मागील वर्ष 2016 मध्ये त्याची रँक 8व्या स्थानावर होती, तर पुढील वर्ष 2018 मध्ये ती 9व्या स्थानावर गेली होती.

Famous Sports personalities of Maharashtra


10. विराट कोहली

Famous Personalities of India
india.com

1,64,427 वेळा वाचले गेले

विराट कोहली (जन्म: 1988) हा भारतीय संघाकडून आंतरराष्ट्रीय क्रिकेट खेळणारा खेळाडू आणि भारतीय राष्ट्रीय संघाचा कर्णधार आहे. उजव्या हाताने फलंदाजी करणार्‍या कोहलीचा अनेकवेळा जगातील सर्वोत्तम फलंदाज म्हणून उल्लेख केला गेला आहे. इंडियन प्रीमियर लीगच्या रॉयल चॅलेंजर्स बंगलोर संघाकडून तो खेळतो, आणि २०१३ पासून तो संघाचा कर्णधार आहे. तो अचूक फलंदाजीसाठी प्रसिद्ध आहे. तो मराठी विकिपीडियाच्या 2016, 2017, 2018, 2019 व 2020 या सर्व वर्षांमधील टॉप-20 लोकप्रिय व्यक्तींमध्ये समाविष्ट झालेला आहे. 2017 या वर्षीचा तो मराठी विकिपीडियावरील “सर्वाधिक लोकप्रिय हयात व्यक्ती” ठरला आहे. मागील वर्ष 2016 मध्ये त्याची रँक 12वी होती, तर पुढील वर्ष 2018 मध्ये ती 14व्या स्थानावर गेली आहे.

Famous Sports personalities of Maharashtra

Famous Personalities of India


9. लोकमान्य टिळक

Famous Personalities of India
sahisamay.com

1,73,120 वेळा वाचले गेले

बाळ गंगाधर टिळक (1856 – 1920) हे भारतीय स्वातंत्र्यसेनानी, राजकारणी, संपादक आणि लेखक होते. लोकमान्य टिळक असाही त्यांचा उल्लेख केला जातो. टिळक हे महाराष्ट्रात खूप जास्त लोकप्रिय आहेत. मराठी विकिपीडियावर त्यांची माहिती खूप जास्त वेळा वाचण्यात आलेली आहे. मराठी विकीपीडियावरील दरवर्षीच्या (2016 ते 2020) टॉप-20 लोकप्रिय व्यक्तींमध्ये त्यांचा समावेश झालेला आहे. मागील वर्ष 2016 मध्ये त्याची रँक 5वी होती, तर पुढील वर्ष 2018 मध्ये ती 7व्या स्थानावर गेली आहे.

freedom fighters of maharashtra


8. संत तुकाराम

top 20 most famous people in maharashtra
English Wikipedia

1,86,607 वेळा वाचले गेले

संत तुकाराम (1608 – 1650) हे महाराष्ट्रातील एक वारकरी संत व कवी होते. वारकरी संप्रदायाची अखंड परंपरा त्यांनी निर्माण केली. सतराव्या शतकामध्ये सामाजिक प्रबोधनाचे मुहूर्तमेढ रोवणारे सुधारक संत म्हणून तुकाराम महाराजांचा उल्लेख केला जातो. संत तुकाराम हे एक शिवकालीन मराठी संत असून, ते आजही महाराष्ट्रात खूप जास्त लोकप्रिय आहेत. ते मराठी विकिपीडिया वरील यावर्षीचे ‘सर्वाधिक लोकप्रिय संत‘ ठरले आहेत. त्यांच्या पेक्षा अधिक वाचकसंख्या कोणत्याही संताच्या लेखाला मिळालेली नाही. 2016 ते 2020 या पाचही वर्षांमध्ये सर्वाधिक वाचल्या गेलेल्या टॉप-20 चरित्रलेखांमध्ये त्यांचे स्थान नेहमी 10व्या रँकच्या आतच राहिले आहे. मागील वर्ष 2016 मध्ये त्याची रँक 9वी होती, तर पुढील वर्ष 2018 मध्ये ती 10व्या स्थानावर गेली आहे.

most powerful person in maharashtra


7. जोतीराव गोविंदराव फुले

top 20 most famous people in maharashtra
1,88,816 वेळा वाचले गेले

महात्मा जोतीराव फुले (1827 – 1890) हे मराठी लेखक, शिक्षक, विचारवंत आणि समाजसुधारक होते. शेतकरी, अस्पृश्य व बहुजन समाजांच्या समस्यांना केंद्रस्थानी ठेवून पुरोगामी विचारांची मांडणी केली. तसेच त्यांनी महाराष्ट्रात स्त्री शिक्षणाची मुहूर्तमेढ सुद्धा रोवली. महाराष्ट्राला तीन प्रमुख समाजसुधारकांचा वैचारिक वारसा लाभला असल्यामुळे या राज्यास “फुले-शाहू-आंबेडकरांचा महाराष्ट्र” असे म्हणतात. लोकांना समान हक्क मिळवण्यासाठी त्यांनी सत्यशोधक समाजाची स्थापना केली. फुले हे सुद्धा एक खूप लोकप्रिय व्यक्ती आहेत. मराठी विकिपीडियावर त्यांच्याबद्दल जास्त वेळा माहिती वाचण्यात येते. सर्व वर्षांमध्ये (2016, 2017, 2018, 2019 आणि 2020) त्यांचा लेख हा टॉप-20 चरित्रलेखांमध्ये दहाव्या स्थानाच्या आतच राहिलेला आहे. मागील वर्ष 2016 मध्ये ते 6व्या स्थानावर होते तर पुढील वर्ष 2018 मध्ये ते 8व्या स्थानावर गेले. सावित्रीबाई फुले आणि महात्मा जोतीराव फुले हे एकमेव असे दांपत्य आहे की, या दोघांचाही समावेश मराठी विकिपीडियाच्या सर्व वर्षांतील टॉप-20 लोकप्रिय लेखांमध्ये झालेला आहे.

महाराष्ट्राच्या निर्मितीसाठी महत्त्वपूर्ण योगदान दिलेल्या व्यक्तींची माहिती

Famous Personalities of India


6. संभाजी भोसले

famous marathi people
1,91,314 वेळा वाचले गेले

छत्रपती संभाजी महाराज (1657 – 1689) हे मराठा साम्राज्याचे दुसरे छत्रपती होते. ते छत्रपती शिवाजी महाराज आणि राणी सईबाई यांचे थोरले पुत्र होते. छत्रपती संभाजी हे महाराष्ट्रात खूप जास्त लोकप्रिय आहेत. मराठी विकिपीडियावर त्यांच्याबद्दल खूप जास्त वेळा माहिती वाचण्यात आलेली आहे. ते सुद्धा सर्व वर्षांमधील (2016 ते 2020) टॉप-20 चरित्रलेखांमध्ये राहिलेले आहेत. मागील वर्ष 2016 मध्ये ते 13व्या स्थानावर होते, तर पुढील वर्ष 2018 मध्ये ते 4थ्या स्थानावर आले होते.

Famous Personalities of Maharashtra


5. सावित्रीबाई फुले

famous people in marathi wiki
1,93,454 वेळा वाचले गेले

सावित्रीबाई जोतीराव फुले (1831 – 1897) ह्या भारतीय शिक्षिका, कवयित्री व समाजसुधारक होत्या. त्यांनी भारतातील पहिली मुलींची शाळा सुरू केली. महाराष्ट्रातील स्त्रीशिक्षणाच्या आरंभिक टप्प्यात त्यांचे पती जोतीराव फुले यांच्यासह त्यांनी मोठी कामगिरी बजावली. त्यांनी स्त्री व शूद्रांमधे शिक्षणाचा प्रसार केला. सावित्रीबाई फुले या मराठी विकिपीडियावरील या वर्षाच्या “सर्वात लोकप्रिय महिला” ठरल्या आहेत. दरवर्षी प्रचंड संख्येने वाचकवर्ग त्यांच्या बद्दलची माहिती मराठी विकिपीडियावर वाचत असतो. वाचकसंख्येच्या दृष्टीने लोकप्रियतेचा विचार केला तर त्या आपले पती महात्मा फुले यांनाही मागे टाकतात. त्या दर वर्षी टॉप-20 लोकप्रिय व्यक्तींमध्ये सामील होतात, एवढेच नाही तर 2016 वगळता पुढील सर्वच वर्षांमध्ये (2017 ते 2020) त्यांची रँक पहिल्या पाच मध्ये आलेली आहे. एक महिला म्हणून तर त्या अव्वल आहेच, परंतु एक मराठी व्यक्ती म्हणून सुद्धा त्या तिसऱ्या क्रमांकाच्या लोकप्रिय व्यक्ती आहेत. मागील वर्ष 2016 मध्ये त्या 10व्या स्थानावर होत्या, तर पुढील वर्ष 2018 मध्ये त्या 5व्या स्थानावर आल्या होत्या.

Famous Personalities of India

great women of maharashtra


4. ए.पी.जे. अब्दुल कलाम

Famous Personalities of India
Getty Images

2,29,115 वेळा वाचले गेले

ए.पी.जे अब्दुल कलाम (1931 – 2015) भारताचे ११वे राष्ट्रपती व एरोनॉटिकल इंजिनिअर होते. ते इस्रोचे वैैज्ञानिक होते. डॉ. कलाम हे भारताच्या अंतराळ कार्यक्रम आणि क्षेपणास्त्र विकास कार्यक्रमात सहभागी होते. या कारणास्तव त्यांना “मिसाईल मॅन” असेही म्हणतात. त्यांना ‘भारतरत्न‘ पुरस्काराने सन्मानित करण्यात आले आहे. त्यांचा जन्मदिवस १५ ऑक्टोबर हा आंतरराष्ट्रीय विद्यार्थी दिन  म्हणून साजरा केला जातो. डॉ. अब्दुल कलाम हे एक तमिळ व्यक्ती, मात्र ते मराठी लोकांमध्येही खूप लोकप्रिय आहेत. त्यांचा मराठी विकिपीडियाच्या प्रत्येक वर्षीच्या (2016 ते 2020) टॉप-20 चरित्रलेखांमध्ये समावेश झाला होता. त्यातही ते सदैव पहिल्या दहा मध्येच राहिले. डॉ. कलाम हे यावर्षीचे महाराष्ट्रातील “दुसरे सर्वात लोकप्रिय अमराठी व्यक्ती” ठरले आहेत. मागील वर्ष 2016 मध्ये त्याची रँक 3री होती, तर पुढील वर्ष 2018 मध्ये ती 6व्या स्थानावर गेली आहे.

Great personalities of Maharashtra


3. महात्मा गांधी

File:Gandhi writing Aug1942.jpg
2,69,918 वेळा वाचले गेले

मोहनदास करमचंद गांधी (1869 – 1948) हे भारताच्या स्वातंत्र्य संग्रामातील प्रमुख नेते आणि तत्त्वज्ञ होते. महात्मा गांधी या नावाने ते ओळखले जातात. अहिंसात्मक मार्गांनी स्वातंत्र्य मिळवण्यासाठी त्यांनी संपूर्ण जगाला प्रेरित केले. गांधी सविनय सत्याग्रहाच्या कल्पनेचे जनक होते. त्यांचा जन्मदिवस २ ऑक्टोबर हा आंतरराष्ट्रीय अहिंसा दिन म्हणून साजरा केला जातो. गांधी हे मराठी किंवा महाराष्ट्रीय व्यक्ती नाहीत, तर ते एक गुजराती आहेत. मात्र तरीही ते महाराष्ट्रात प्रचंड लोकप्रिय आहेत. ते मराठी विकिपीडियावरील “सर्वाधिक लोकप्रिय अमराठी व्यक्ती” ठरलेले आहेत. 2016 ते 2020 या सर्व वर्षांमध्ये ते मराठी विकिपीडियावरील सर्वाधिक लोकप्रिय असलेल्या टॉप-20 लेखांमध्ये कधी तिसऱ्या तर कधी चौथ्या स्थानावर राहिलेले आहेत. त्यांची लोकप्रियता इतकी अफाट आहे की, डॉ. बाबासाहेब आंबेडकर आणि छ. शिवाजी महाराज हे दोघे वगळता अन्य कुठल्याही व्यक्तीपेक्षा त्यांना मराठी विकिवर सर्वाधिक वेळा वाचले जाते. मागील वर्ष 2016 मध्ये ते 4थ्या स्थानावर होते, तर पुढील वर्ष 2018 मध्ये ते 3ऱ्या स्थानावर आले होते.

Famous Personalities of India

थोर समाज सुधारक मराठी


2. शिवाजी महाराज

most famous marathi people from maharashtra
Forword Press

3,37,355 वेळा वाचले गेले

छत्रपती शिवाजी महाराज (1630 – 1680) हे एक भारतीय शासक आणि मराठा साम्राज्याचे संस्थापक होते. त्यांनी विजापूरच्या आदिलशाहीविरुद्ध आणि मोगल साम्राज्याविरुद्ध संघर्ष करून आपले स्वराज्य स्थापन केले. त्यांनी वेगवान हालचाली आणि बलाढ्य शत्रूंचे मनोधैर्य खच्ची करणारे नेमके हल्ले यांचा वापर करणारे गनिमी काव्याचे तंत्र यशस्वीपणे वापरले. आपल्या वडिलांकडून मिळालेल्या 2,000 सैनिकांच्या छोट्या तुकडीपासून एक लाख सैनिकांचे लष्कर छत्रपती शिवाजी महाराजांनी उभे केले. छत्रपती शिवाजी महाराज हे यावर्षीचे मराठी विकिपीडियावरील दुसरे सर्वाधिक लोकप्रिय व्यक्ती तसेच सर्वाधिक लोकप्रिय शासक आहेत. 2016 ते 2020 या वर्षांमध्ये त्यांचा चरित्रलेख हा कधी पहिल्या तर कधी दुसऱ्या स्थानावर राहिला होता. 2017 मध्ये ते द्वितीय स्थानी तर डॉ. बाबासाहेब आंबेडकर प्रथम स्थानी राहिले होते. मागील वर्ष 2016 मध्ये आणि पुढील वर्ष 2018 या दोनही वर्षांमध्ये ते पहिल्या स्थानावर होते.

Who are the famous personalities of Maharashtra?

great leaders of maharashtra


1. बाबासाहेब आंबेडकर

Famous Personalities of India
3,71,726 वेळा वाचले गेले*

डॉ. बाबासाहेब आंबेडकर (1891 – 1956), हे भारतीय न्यायशास्त्रज्ञ, अर्थशास्त्रज्ञ, राजनीतिज्ञ, तत्त्वज्ञ आणि समाजसुधारक होते. त्यांनी दलित बौद्ध चळवळीला प्रेरणा दिली आणि अस्पृश्य (दलित) लोकांविरुद्ध होणारा सामाजिक भेदभाव नष्ट करण्यासाठी मोठी चळवळ उभारली, तसेच महिलांच्या आणि कामगारांच्या हक्कांचे समर्थन केले. ते ब्रिटिश भारताचे मजूरमंत्री, स्वतंत्र भारताचे पहिले कायदेमंत्री, भारतीय संविधानाचे शिल्पकार, व भारतीय बौद्ध धर्माचे पुनरुज्जीवक होते. देशाच्या विविध क्षेत्रांत दिलेल्या योगदानामुळे त्यांना ‘आधुनिक भारताचे निर्माते’ असेही म्हणतात. डॉक्टर बाबासाहेब आंबेडकर हे मराठी विकिपीडियावर अफाट लोकप्रिय आहेत. ते एक मराठी म्हणून अन्य भारतीय भाषांमधील विकिपीडियांवरही त्यांची सर्वात जास्त लोकप्रियता आहे. 2016 ते 2020 या वर्षांमधील टॉप-20 लोकप्रिय व्यक्तींमध्ये त्यांचे स्थान कधी दुसरे तर कधी पहिलेच राहिले आहे. शिवाजी महाराज वगळता मराठी विकिपीडियावरील अन्य कुठल्याही व्यक्तीपेक्षा ते जास्त लोकप्रिय ठरले आहेत. बाबासाहेब हे यावर्षीचे “सर्वाधिक लोकप्रिय व्यक्ती” ठरले आहेत. विसाव्या शतकातील हा महामानव एकविसाव्या शतकामध्ये ही अव्वल ठरला आहे. यावर्षी ते शिवाजी महाराजांना मागे टाकत प्रथम स्थानावर आले आहेत. मागील वर्ष 2016 मध्ये आणि पुढील वर्ष 2018 या दोनही वर्षांमध्ये ते दुसऱ्या स्थानावर होते.

Famous Personalities of India

most searched politician in maharashtra

हेही वाचलंत का?

 

 

टीप

* इ.स. २०१७ मध्ये डॉ. बाबासाहेब आंबेडकरांच्या लेखाचे शीर्षक चारवेळा बदलण्यात आले होते. १ जानेवारी ते १० मार्च दरम्यान ते भीमराव रामजी आंबेडकर असे होते, याकाळातील वाचकसंख्या ५४,९८९; ११ मार्च ते १२ मार्च दरम्यान लेखाची शीर्षके डॉ. बाबासाहेब आंबेडकरभारतरत्न डॉ. बाबासाहेब आंबेडकर ही होती, याकाळातील वाचकसंख्या २०५ ; १२ मार्च ते ९ नोव्हेंबर दरम्यान ते डॉ. बाबासाहेब अांबेडकर असे होते, याकाळातील वाचकसंख्या २,५०,४३२; ९ नोव्हेंबर ते ३१ डिसेंबर २०१७ दरम्यान ते बाबासाहेब अांबेडकर असे होते, याकाळातील वाचकसंख्या ६६,३०५ इतकी होती. यानंतर ३ वर्ष व ३ महिन्यांनी, ५ एप्रिल २०२० रोजी, शीर्षक बाबासाहेब अांबेडकर वरुन बाबासाहेब आंबेडकर ला हलवण्यात आले.

या सूचित नसलेल्या इतर उल्लेखनीय चरित्रलेखाच्या views आणि rank बद्दल जाणून घेऊ इच्छित असाल तर आपण आम्हाला विचारू शकता.

Leave a Reply

Your email address will not be published.